Bures. Mun lean Gunvor. Lean riegádan Kárášjogas norgga beal Sámis, ja dál orun Johkamohkis ruoŧa beal Sámis.

Lean eadni, eamit, duojár, dutki ja iežan oktofitnodatjođiheaddji. Fitnodaga namma lea GG Duodjikonsult. Mu fitnodat váldá badjelasas logaldallamiid duoji ja sámiid birra, sáhttá lágidit čájáhusaid, čađahit guorahallamiid ja dutkanbargguid mat gusket duodjái. Duodjedutkamis lea deaddu leamaš árbevirolaš diehtu ja máhttu, ja ođđaáigásaš geahčastat duodjái.

Mu ámmátlaš duogáš lea doavtter art duojis. Mun lean maŋimuš bargan Sámi allaskuvllas 1. amanuensan duojis, ja dál lean II virggis doppe.