|
|
 |
Go hállat duodeestetihkas, de ii sáhte lohkat ahte gávdno okta čábbodatoaidnu. Dávjá vuolgá das masa čalbmi lea hárjánan, ja makkár árvvuid bidjá duddjomii. Muhtun čuoččuhivččii ahte go duodji lea anolaš, de lea čáppa. Dalle ferte bidjat anolašvuođa vuođđun go divaštallá čábbodaga. Muhtun eará fas oaivvilda ahte go ávnnas lea sierralágan de lea duodji čáppa. Dahje jus duoji lea čábbát duddjon, de lea duodji čáppa. Muhto maiddái duoji estetihkka sáhttá áddet nu ahte galgá lihkadahttit sihke dahkki ja geahčči juoganu láhkai.
|
|
|
|
